श्री जगन्नाथ अष्टकम् | Shri Jagannath Ashtakam | #jagannathrathyatra @Mere Krishna <br /><br />#jagannath #shrijagannath #shrijagannatha #jagannathrathyatra #jagannathrathayatra #जगन्नाथ #जगन्नाथरथयात्रा <br /><br />कदाचित्कालिन्दीतटविपिनसङ्गीतकरवो <br />मुदा भीरीनारीवदनकमलास्वादमधुपः । <br />रमाशम्भुर्ब्रह्मासुरपतिगणेशार्चितपदो<br />जगन्नाथः स्वामी नयनपथगामी भवतु मे ॥ १ ॥<br /><br />भुजे सव्ये वेणुं शिरसि शिखिपिच्छं कटितटे<br />दुकूलं नेत्रान्ते सहचरकटाक्षं विदधते ।<br />सदा श्रीमद्वृन्दावनवसतिलीलापरिचयो<br />जगन्नाथः स्वामी नयनपथगामी भवतु मे ॥ २ ॥<br /><br />महाम्भोधेस्तीरे कनकरुचिरे नीलशिखरे<br />वसन् प्रासादान्तस्सहजबलभद्रेण बलिना ।<br />सुभद्रामध्यस्थस्सकलसुरसेवावसरदो<br />जगन्नाथः स्वामी नयनपथगामी भवतु मे ॥ ३ ॥<br /><br />कृपापारावारास्सजलजलदश्रेणिरुचिरो<br />रमावाणीरामः स्फुरदऽमलपद्मेक्षणमुखः । <br />सुरेन्द्रैराराध्यः श्रुतिगणशिखागीतचरितो<br />जगन्नाथः स्वामी नयनपथगामी भवतु मे ॥ ४ ॥<br /><br />रथारूढो गच्छन् पथि मिलितभूदेवपटलैः<br />स्तुतिप्रादुर्भावं प्रतिपद मुपाकर्ण्य सदयः ।<br />दयासिन्धुर्बन्धुस्सकलजगता सिन्धुसुतया<br />जगन्नाथः स्वामी नयनपथगामी भवतु मे ॥ ५ ॥<br /><br />परब्रह्मापीडः कुवलयदलोत्फुल्लनयनो<br />निवासी नीलाद्रौ निहितचरणोऽनन्तशिरसि ।<br />रसानन्दो राधासरसवपुरालिङ्गनसखो<br />जगन्नाथः स्वामी नयनपथगामी भवतु मे ॥ ६ ॥<br /><br />न वै प्रार्थ्यं राज्यं न च कनकतां भोगविभवं<br />न याचेऽहं रम्यां निखिलजनकाम्यां वरवधूम् ।<br />सदा काले काले प्रमथपतिना गीतचरितो<br />जगन्नाथः स्वामी नयनपथगामी भवतु मे ॥ ७ ॥<br /><br />हर त्वं संसारं द्रुततरमसारं सुरपते<br />हर त्वं पापानां विततिमपरां यादवपते ।<br />अहो दीनानाथं निहितमचलं निश्चितपदं<br />जगन्नाथः स्वामी नयनपथगामी भवतु मे ॥ ८ ॥<br /><br />इति श्रीमद् शङ्कराचार्यप्रणीतं जगन्नाथाष्टकं सम्पूर्णं॥
